- Hetta verður ikki betri

Gleðin var stór millum tey mongu vitjandi, tá nýggja Vága apotek lat upp á Heiðavegi í Miðvági í dag.

Súsanna Bertholdsen, landsstýriskvinna og Jóhannis Joensen, tingmaður, fyri Javnaðarflokkin, vóru millum tey, ið bóru fram heilsan. Tingmaðurin hjá Javnaðarflokkinum hevur í fleiri ár víst á tørvin á einum apoteki í Vágum.

Tað hevur leingi verið eitt ynski millum vágafólk at fáa eitt apotek í Vágum, og royndi lokali kommunulæknin, Marjus Dam, vildi vera við, at hetta er størsta og besta broytingin innanfyri heilvágsøki í oynni nakrantíð. 

Javnaðarflokkurin ynskir øllum vágafólki hjartaliga tillukku við Vága apoteki.