1. mai: Hesi verða tiltøkini

07.30: JAVNAÐARFLOKKURIN BJÓÐAR MORGUNMAT

Javnaðarflokkurin bjóðar morgunmat í Javnaðarhúsinum mánamorgunin 1. mai. Kaffi og rundstykki verða at fáa frá klokkan 7.30 – 9.30. Øll eru hjartaliga vælkomin.

13.00: VÁGAVERK, BJØRG DAM OG BISPUR Á VAGLINUM

Vit gleða okkum til áhugaverdar røður frá Hera Reynheim, formanni í Havnar Arbeiðarafelag, Georg F. Hansen, formanni í Føroya Arbeiðara felag, Bjørg Dam, forkvinnu í ADHD felagnum og Jógvani Fríðrikssyni, Bispi. Vágaverk og hornorkestur spæla.

16.00: OKKARA MAGNA, ØSSUR W. OG MARITA RASMUSSEN Í VESTMANNA

Áhugaverdar røður frá Magnu Elianu Mørkøre, varatingkvinnu fyri Javnaðarflokkin, Øssur Winthereig, journalisti og Maritu Rasmussen, stjóra á Havstovuni. Vestmanna Hornorkestur spælir og eftir fundin á Reyða Torgi bjóðar Vestmanna Arbeiðarafelag drekkamunn í felagshølunum beint við.

16.00: OKKARA SÚSANNA HELDUR RØÐU

Eisini á Tvøroyri verður 1. mai hátíðarhildin klokkan 16.00. Røðararnir verða Súsanna Bertholdsen, Erling Eidesgaard og Ingeborg Vinther. Tvøroyrar Hornorkestur og Eyðun Nolsøe spæla og drekkamunnur verður í Seglloftinum.